Platt-AG bi den Plattdüütschen Goddesdeenst an Sünndag, den 1.11.2015!

01. November 2015

To´n eersten Mal weern wi vun uns Grundschool dorbi!

"Moin, moin, leeve Lüüd!": mit dat Leed  hebbt wi to´n Anfang vun den Goddesdeenst de Lüüd begrööt.

Wi, dat weern 25 Kinner ut de lütte Platt-AG ut de 1. un 2. Klass vun uns Grundschool. Tosamen mit Frau Mügge un Herrn Niemann weern wi inlaadt, bi den plattdüütschen Goddesdeenst mittomaken.

Veel Tied to´n Öven harrn wi nich, denn de Harvstferien goht hüüt, an de 1.11.2015 to Enn un dat letzte Maal Ööven is al recht wat her. Liekers hebbt wi ok dat Leed "Hoch un deep un wied" good sungen un achteran de Lüüd vertellt woröver wi dankbor sünd.

Op düssen Weg veelen Dank för de Inladen un an alle Öllern de hulpen hebbt uns Kraam op- un wedder afftobuun!

Wie kiekt geern dat tweete Mal in, wenn dat wedder heeten deit: In uns Kark snackt wi platt!

Zurück