Plattdüütsche Kinnerautoren!

"...de Boom is eenfach wunnerboor för Minsch und Veeh!"

De Kinner hebbt in´t Schooljohr 2012/ 2013 friewillig lütte Geschichten över Bööme schreeven und sik dormit an een Wettbewarb bedeeligt. De Opgaav weer över ole Bööm to schrieven (http://www.heimatbund.de/aktuelles/index.php?ID=1362763199).

Op düsse Sied muchen wi de Texte präsenteeren. Mit uns Plattdüütschexpertin Fru Mügge ehr Hölp sünd de Texte denn ok plattdüütsch worrn!




 

Ben is mien Boom

Ben is nett und is een Boom, de kann schnacken. Ik goh to School und denn segg ik: „Mien Boom kann schnacken!“ Aber de seggt ik bün verrückt. Wenn ik no Huus goh, denn segg ik to mien Boom, dat he doch schnacken kann.

Ik goh obends noch no Ben uns segg em goode Nacht. Nu et ik Obendbrot und goh to Bett. Denn annern Morgen röpt de Wecker und ik mutt wedder to School. Ik et gau und will noch no Benni. Mama versteiht mi nich, ik will blots mit Ben schnacken und denn to School. In de School froogt de Kinner mi, wo de schnackende Boom is. Keeneen versteiht mi. Ik heff em to´n Geburtsdag kreegen.

Mien Boom schnackt. Ik höör em in Wind rascheln. Dat verstah blots ik.

Vör mi is dat een groote Freud!

vun Sara, Klass 2a

De Boom an de Stroot

In denn Boom levt veele verschiedene Deerten, ton Biespeel een Katheker, ganz veele Vogels, een Adler, eene ganze Kathekerfamilie.

Een kann ut de Bööm Zeitung, Dische, Stöhl, Hocker, een Boomhuus, Regole und egenes Speeltüch moken. De Bläder vun de Bööm filtert unsere Luft ton Luft holen.

Vun Nico, Klass 2a

De Boom und siene Frünn

Weetst du egentlich, dat de Tiere de Frünn sünd? Ton Biespeel eene Amsel und ganz veel anneres Veetüüch.

Weetst du, dat de Mann vun de Amsel schwatt utsücht, man de Fruu bruun?
Dat gifft ganz veele Derten und Vogels op de Welt. Dat gift 170 Vogelorten und de kriecht man nie to sehn.
Ik bekiek de Vogels in mien Boomhuus. De Biber mokt de Boom kaputt. De Boom mokt Suurstoff, dat is för de Natur wichtig. De Boom sien Früchten sünd vör Minsch und Veetüch wichtig.
In Sommer sünd Immen und Wespen in de Bööm und sökt denn Honni.

De Boom is eenfach wunnerboor för Minsch und Veeh.

vun Sara, Klass 2a

De Boom und siene Frünn (2)

De Boom hett veele Frünn. To´n Biespeel: Amsel, Drossel, Fink und Spreen, Katheker, Immen, Marder, Kauz, Uulen, Fleegen, Specht und Sünnkäfer. Ik heff een Boomhuus, wo een Kathekerfamilie rümklattert. Ik heff een Marder sehn und de is von Twieg to Twieg klattert. Ik heff een Marder sehn, de is vun Ast to Ast sprungen und bi´m letzten Twieg fast rünnerfullen.

 De Bööm sind för uns sehr wichtig, weil de Blääder de Luft sauber mokt.

Vun Jayke, Klass 2 a

Mien Boom

Mien Boom hett een ganz hogen Twieg und op düssen Twieg hett een Vogel een Nest buut. De Vogel hett al Eier leggt. Ik töv nu, dat de Lütten ut Ei rutkümmt.

Vun Marleen, Klass 2a

Mien Boom (2)

Ik heff een Boomhuus und dorbin is een Fernseher und een Schapp. In denn Boom is een groodes Nest. In düt Nest sünd acht Eier leggt.

Vun Kaya, Klass 2a

De Kostangenboom

He wasst in Drage-Hansch. He is twintig bit dörtig Meter hoch und twee Meter und söbenundnintig Meter breet. De Boom is grod und in de Twiegen levt Insekten und Kathekers. In denn Boom fleegt ok Vogels rin. Vör den Winder is de Boom goot, dormit de Tiere wat to freten hebbt.

Vun Cedric und Steffen, Klass 2b

Een Kostangenboom vertellt

Hallo, ik heet Georg! Ik vertell jüm, wie dat weer.
 Ik bün hunnert Johr old. As ik ut de Eer keem, strohlte de Sünn mi an und de Vogels sungen. As ik schon grötter weer, boote een Vagel op mi een Nest. Op eenmool kämen dunkle Wulken und dat regent. Ik wör natt. Gau hörte de Regen op. Dor kämen Minschen und fierten een Fest.
De Dage vergüngen. Ostern weer dor. Ik wunnerte mi, Ostereier hüngen an mi. Op eenmol kemen Lüüd ut een Huus und söchten wat. Op eenmol trock eener menen Twieg rünner und nömen de Ostereier af. Jetzt stoh ik noch ümmer dor.

vun Lenja und Giulia

 

De ole Kostangelboom

Dor weer mol een olen Kostangelboom. Dor buten sik twee Kinner, Elisabeth und Louis, een Boomhuus.op. Loter geeven sik de Beiden sik ton ersten Mool op denn Boom.
Föftein Johr loter buten se sik een Huus in de Neegde blangen denn Kostangelboom. Dor bin wohnten Elisabeth und Louis bit se achdig Kohr old weern.
 In een Johr sünd beide storven und wörn tosomen bi denn Kostangelboom begroben.

vun Benjamin, Klass 3

De ole Boom  

 Dor weer mol een olen Boom, de eensam sienen Geburtsdag fierte. Nüms weer sien Inlodung folgt. Wohrschienlich weern ehre Wuddeln to old, üm eenen kotten Footmarsch to moken. Siene  Frünn, de annern Bööm, weern ok al tweehunnert Johr old.

De ole Boom kreeg denn doch noch Besök vun een por Insekten, Vogels, een Katheker und een poor Müüs. Denn fierten se denn 250. Geburtsdag. Se mokten eene Boomschnitzeljagd und harrn veel Spoß. As de Boom siene Gäste weg weern, dach de Boom: „Nächstet Johr fier ik wedder so!“

Levke, Klass 3

De ole Böök

Dor weer mol een ole Böök. Se weer ungefähr 50 Johr old. Dor buuten twee Jungs een Boomhuus in denn Boom. De Jungs speelten jedeen Dag in denn  Boom. As se gröder wörn, wulln se nicht mehr in dat Huus speelen.
As de Boom hunnert weer, keemen de beiden Döchter vun de Jungs, dat weern Klara und Lara. De buuten dat Boomhuus wedder op und speelten mit ehre frünn dorbin, bit se 21 weern. De Boom dach, wenn ik 150 bünn, kommt wiss wedder Kinner to Speelen.

vun Ina, Klass 3 

De Bläderbööm - Schlaraffenland

In´t Schlaraffenland drägt de Bööm al Naschkrom an de Twiegen. Nur een Boom drägt keene Sötigkram an de Twiegen. He is trurig.

Denn annern Dag steiht een grooten Boom dorneben. Se warrn beste Frünn. Se hebbt överlegt, wat se denn Schlarafina (so warrn de Lüüd int Schlaraffenland schimpt) Godes don kunn. Se hangt sik Bläder an de Bööm und Twiege, dormit de Schlarafina ehre dicken vullgefretenen Buuke nie in de Sünn verbrennen künnt.

Vun Celina, Klass3

De Boom

Dor weer eenmol een groten schönen Boom. De Boom is al 70 Johr old.
In Fröhjohr wohnt eene Spechtfamilie und eene Kathekerfamilie in den Boom. In Sommer kricht he Eggern. Kinner klattert gern op denn Boom.
In Haarvs fallt siene Bläder af. Denn sammelt de Katheker de Eggern vör denn Winter. Siene Twiege sünd kahl. De Katheker schlöpt denn.
In´t niee Johr fangt alles vun vörn an.

vun Lea, Klass 3

De ole Blotböök

Düsse Geschicht vertellt vun eene öber 110 Johr ole Blotböök. As miene Oma söben Johr old weer, trok se mit eer Öllern in de Noberschaft vun de Blotböök. Dat weer domols al een wunnerschönen groten Boom. In Sommer speelten de Kinner in sienen Schatten oder kladderten in dat Astwaark. Jedes Johr freuten sik Groot und Lütt doran, wenn de ersten Bläder keemen und de Sünn de Bläder glänzend mookte. In Harvs sammelten de Kinner de Früchte vun denn Boom. Se verköfften dat denn an de Buurn as Foder. Dordürch wör denn dat Taschengeld een beten opbetert. För een Kilo Bookeckern kreeg man fief Penn.

Wenn de Boom siene Bläder verleert, bringt dat een Barch Arbeit, de Bläder wegtoharken. De Harvststorm drifft de Bläder in alle Ecken. De Kinner harrn ehr Vergnögen doran, mit ehr Taschenmess de Anfangsbookstaben vun ehrn Nomen in de dicke Rinde intoritzen. An een Sommergewidder schlög die Blitz in denn Boomstamm in. De Boomstamm wör in de Länge von twee Meter klövt. In düssen Spalt leep dat Regenwoder und de Snee. De Stamm wör morsch. Vör dree Johr brök een starken Harvsstorm eenen Ast mit eenen Ümfang vun eenen Boom af. Dorno weer de Gefohr dor, dat de restliche Boom ümfalln kunn. Dordürch kunnen Verkehrsdelnehmers in Gefohr komen. Dor wür denn een Boomdokter bestellt, de denn Schoden bekieken schull, üm villicht denn Boom to retten. De Boom müss leider afnohmen warrn. De Vörbesitterin vertellte, dat de Boom, as he lütt weer, al 30 Johr old weer. Düsse Fruu is hüüt 83 Johr old.

De Stamm harr eenen Dörchmeter vun 1,50 Meter.

 

vun Jakob, Klass 4

Een Boom

Dor weer mol een Boom, in denn wohnten Milemmer, Spechte und Amseln.
Vör de Vogels is de Boom ganz wichdig, dormit se sik dorbin ehre Nester buun könnt.
Vör de Maikäfer is de Boom wichdig, üm blattlüüs to freten, de in denn Boom levt. De Boom bruukt Wuddeln, üm to drinken und to wassen. De Minschen geet den Boom nämlich nie.
 För Uulen is de Boom wichdig, üm sik in de Boomhöhlen to verstecken und an Dag dorbin to schlopen. Ok den Minschen kann de Boom hölpen. In Sommer spend de Boom uns Schatten. De Kinner könnt dor goot in klattern.

Vun N.N.